काठमाडौ– गायन क्षेत्रमा पछिल्लो समय स्थापित बन्दै गायक लक्षुप्रकाश मल्लले यसवर्षको ज्योति फिल्मस् म्युजिक अबार्ड पाएका छन् । भर्यस्टायल सिङ्गरतर्फ उत्कृष्ट बनेका उनलाई हालै एक समारोहकाबीच अबार्ड दिइएको हो ।
रोयल मुभिजको प्रस्तुतिमा ज्योति फिल्मस म्युजिक अवार्ड हरेक बर्ष हुदै आएको छ । यसपालि पनि राजधानीमा अवार्डको आयोजना गरिएको थियो । यसबर्ष ४७ विधामा अवार्ड प्रदान गरिएको थियो । गायक मल्लले यसैवर्ष स्टार म्युजिक एण्ड फिल्मस् अवार्ड, मनास्लु ईन्टरनेटनेशनल आईकन अवार्ड गायन बिधाबाट प्राप्त गरेका थिए ।
गतवर्ष मनास्लु राष्ट्रिय अवार्डसमेत हातपार्न सफल मल्ल नेपालको सबै भन्दा लामो गित गाउन सफल गायक हुन् ।
उनले ५ घन्टा १४ मिनेट २३ सेकेन्डको गित क्रियटिभ रेकर्ड नेपालमा नाम लेखाएका थिए भने ई क्रोम्यटिक स्केलमा उनले म बियोगमा बाँचिरहे गितमा स्वरसँगै संगीत गरेर एभरेष्ट विश्व रेकर्डमा नाम राख्न सफल भएका थिए ।
