काठमाडौं - गायक निमा तामाङ र गायिका अन्नु चौधरीको ' बाँध मायाले' म्युजिक भिडियो सार्वजनिक भएको छ।
गायक तामाङ र गायिका चौधरीको युगल गायनमा समावेश प्रेमिल शैलीको 'बाँध मायाले' बोलको म्युजिक भिडियो एसआर डिजिटलको युट्युव च्यानलमार्फत सार्वजनिक भएको हाे ।
युवा प्रेम र आकर्षणको भावलाई समिटिएको यस गीतमा तारा प्रकाश लिम्बुको शब्द संगीत रहेको छ। यस गीतलाई सबिन लिम्बुले संगीत संयोजन गरेका हुन्।
म्युजिक भिडियोमा स्वयम् गायक तामाङ र बिमला खाजुमलाई रोमाण्टिक मुडमा देख्न सकिन्छ। भुपेन्द्र तुम्बाहाम्फेको छायाँकन र सम्पादनमा भिडियो तयार पारिएको हो ।
यसअघि गायक तामाङको स्वरमा रहेको ‘हेर्देउन मायाले’ लगायत थुप्रै चर्चित गीतहरु सार्वजनिक भैसकेका छन्।
