वासिङ्टन - रूस–यूक्रेन युद्धका कारण विश्व बजारमा आएको इन्धनको अभावमा तेल सङ्कट समाधान गर्न अमेरिकी राष्ट्रपति जाे बाइडेनले कदम चालेका छन् ।
रूस–यूक्रेन युद्धले तेल सङ्कट अभावसँगै इन्धनको बढ्दो मूल्य समायोजन गर्न एउटा सामान्य पहलस्वरूप अत्यधिक मात्रामा भण्डारबाट तेल निकाल्नअमेरिकी राष्ट्रपति बाइडनले निर्देशन दिएका हुन् ।
यस वर्षको अन्त्यसम्ममा आन्तरिक उत्पादन बढ्नुअघि तेल सङ्कट समाधानको एउटा सामान्य पहलस्वरूप बाइडेनले पछिल्लो कदम चालेका हुन् ।
आउँदो छ महिनामा सन् १९७४ मा त्यस्तो भण्डार सिर्जना गरिएयताकै उच्च १८ करोड ब्यारलसम्म तेल निकालिने अमेरिकी प्रशासनले जनाएको छ ।
बाइडनको यस आदेशले ऊर्जा अभावको सङ्कट समाधान नहुने विश्लेषकको भनाइ छ । यद्यपि दैनिक १० लाख ब्यारलको दरमा तेल निकालेर ऊर्जा सङ्कट समाधान नहुने विश्लेषकहरूले बताएका छन् ।
यस्तो प्रयासले विश्वव्यापी अभावका लागि अस्थायी समाधान मात्र दिने तर रुसबाट रोकिएको आपूर्तिको अभाव पूर्ति नहुने विश्लेषकहरूले बताइएका बीबीसीले उल्लेख गरेको छ ।
रुस साउदी अरबपछिको संसारकै सबैभन्दा ठूलो तेल आपूर्तिकर्ता भएको र रूसबाट तेल खरिद्मा प्रतिबन्धको घोषणा गरेसँगै अमेरिका, यूरोप लगायत विश्व बजारमा तेलको अभाव देखिएको र तेलको उच्च मागका कारण मूल्य वृद्धि भएको छ ।
यद्यपि कतिपय अमेरिकी सञ्चारमाध्यमले बाइडनको घोषणा लगत्तै बजार मूल्यमा केही प्रभाव परेको बताएका छन् ।
- एएफपी
