काठमाडौं - गायक तथा संगीतकार सर्जु रंजितको सुमधुर स्वरमा रहेको ' मनको कुरा' बोलको म्युजिक भिडियो सार्वजनिक भएको छ।
राजन शाहीको निर्देशनमा तयार पारिएको भिडियोमा समिता रंजित श्रेष्ठ निर्मात्री रहेको यस भिडियोलाई हाइलाइट्स नेपालको युट्युव च्यानल मार्फत सार्वजनिक गरिएको हो।
सुनिता रंजितको शब्दकाे प्रेमिल शैली गीतमा राजु कार्कीले संगीत संयोजन गरेका हुन्। म्युजिक भिडियोमा पुष्प खड्का र रिमा विश्वकर्माबीचको अन्स्क्रिन प्रेम र रोमान्सलाई प्रस्तुत गरिएको छ।
अमर चित्रकारले यस गीतको भिडियोलाई छायाँकन गरेका हुन्। भिडियोमा सुब्रिना चित्रकारको सम्पादन रहेको छ। गायक रंजितका यसअघि 'तिम्रो नशालु हेराई, 'राम कसम' लगायत दर्जनौ म्युजिक भिडियो सार्वजनिक भैसकेका छन्।
