काठमाडौं- आगामी जेठमा तय भएको अखिल नेपाल फुटबल संघ (एन्फा) को निर्वाचन सरेको छ । नयाँ तालिका अनुसार एन्फाको निर्वाचन आगामी ६ असारमा हुनेछ । यस अघि एन्फाले निर्वाचन १५ जेठ का लागि तोकेको थियो ।
एन्फाका महासचिव इन्द्रमान तुलाधरले फिफा र एएफसीसँगको छलफलपछि निर्वाचन ६ असारका लागि तोकिएको बताएका छन् । महासचिव तुलाधरले निर्वाचन सरेकोबारे कार्यसमिति, जिल्ला संघ र क्लबहरुलाई खबर गरिसकेको पनि बताए ।
एन्फाले निर्वाचनका लागि अधिवक्ता श्रीराम दवाडीको संयोजकत्वमा निर्वाचन समिति गठन गरेको थियो । एन्फाको २० औं विशेष साधारण सभाले दवाडीको संयोजकत्वमा निर्वाचन समिति गठन गरेको हो ।
