काठमाडौं - तारकेश्वर नगरपालिका वडा न ९ का वडाध्यक्ष बलराम सिटौलाले मनमैजु माध्यमिक विद्यालयमा छात्रवृत्ति अक्षयकोषकाे स्थापना गरेका छन् ।
तारकेश्वर नगरपालिका वडा न ९ का वडाध्यक्ष सिटौलाले मनमैजु माविका कक्षा ९ र १० का उत्कृष्ट एवम् मिहिनेती विद्यार्थीहरुलाई लक्षित गरी छात्रवृत्ति प्रयोजनका लागि साे अक्षयकोषको स्थापना गरेका हुन् ।
उक्त अक्षयकोषको नाम ‘बलराम सिटौला छात्रवृत्ति अक्षयकोष’ राखिएको उनले बताएका छन् । वडाध्यक्ष सिटौलाले आफूले पाएको सेवा सुविधाबाट उक्त रकम छात्रवृत्ति प्रयोजनका लागि अक्षयकोषको स्थापना गर्न पाउदा खुशी लागेको बताए।
मिहिनेती विद्यार्थीहरुलाई उक्त कोषबाट छात्रवृत्ति प्रदान गरिने वडाध्यक्ष सिटौलाले बताए । वडाध्यक्ष सिटौला उक्त विद्यालय व्यवस्थापन समितिका सदस्यसमेत रहेका छन् ।
वडाध्यक्ष सिटौलाले दुई लाख रुपैयाँ नगद विद्यालयकी प्रधानाध्यापक रविना महर्जनलाई हस्तान्तरण गरेका हुन्।
