काठमाडौं— पछिल्लो समयका ब्यस्त निर्देशक केशवराज भट्ट सम्मानी भएका छन् । हालै रोज ब्युटि पार्लर एण्ड ट्रेड्रिङ सेन्टरको आयोजना गरेको ‘राष्ट्रिय म्युजिक भिडियो निर्देशन योगदान सम्मान २०७८’बाट भट्ट सम्मानीत भएका हुन् ।
बाल्यकालदेखि नै नृत्य र अभिनयमा रुचि राख्ने भट्ट अहिले चल्तिका निर्देशक हुन् । आमा–बुवाको प्रोत्साहन र प्रेरणाले यस क्षेत्रमा लागेको बताउने भट्टको पहिलो निर्देशित म्युजिक भिडियो ‘वर्षाको पानीलेझै’ हो । ५० को हाराहारीमा भिडियो निर्देशन गरिसकेका भट्टले चलचित्र ‘जन्मजन्म’को पिरती बस्यो बोलको गीत रिमेक गरेर सार्वजनिक गरेका छन् ।
एकै नजरमा, तिमीलाई चाहेर, तिमीसँग नजर जुधाई, फिजाई पंखा, मायाँ गाढा छजस्ता दर्जनौँ हिट गीतको भिडियो बनाएर आमदर्शकको जित्न सफल भट्टले सम्मानीत भएपछि भने, ‘यस सम्मानले मलाई काम गर्ने हौसला मिलेको छ ।’
