काठमाडौं- पाकिस्तान क्रिकेट टिमका कप्तान बाबर आजम दुई पटक आईसीसी प्लेयर अफ द मन्थ अवार्ड जित्ने पहिलो खेलाडी बनेका छन् । मार्च महिनाको प्लेयर अफ द मन्थ अवार्ड विजेता भएसँगै आजम दुई पटक अवार्ड जित्ने पहिलो पुरुष खेलाडी बनेका हुन् ।
यस अघि आजमले २०२१ को अप्रिलमा प्लेयर अफ द मन्थ अवार्ड जितेका थिए । आजमले वेस्ट इन्डिजका कप्तान क्रेग ब्रेथवेट र अष्ट्रेलियाका कप्तान प्याट कमिन्सलाई पछि पार्दै यस अवार्ड जितेका हुन् । अष्ट्रेलियन ओपनर राचेल हायनेसले महिलातर्फको प्लेयर अफ द अवार्ड जितेकी छिन् ।
