काठमाडौं — लोकतान्त्रिक समाजवादी पार्टी (लोसपा) नेपालका वरिष्ठ नेता राजेन्द्र महतोले उनको फेसबुक ह्याक भएको बताएका छन् । उनले पार्टी छाडेको आशयसहितको फेसबुकको स्क्रिन सट सामाजिक सञ्जालमा भाइरल भएपछि महतोले सो कुराको जानकारी दिएका हुन् ।
महतोले दोषीलाई कारबाहीको माग समेत राखेका छन् ।भाइरल स्क्रिन सटमा महतोले लोकतान्त्रिक समाजवादी पार्टी नेतासँगको यात्रालाई आजबाट पूर्णरुपले विराम गरेको उल्लेख गरेका छन् ।
महतोले त्यसलाई खण्डन गर्दै लखेका छन् , ‘मेरो फेसबुक ह्याक गरी सुनियोजित रूपमा कसैले यो समाचार सम्प्रेषण गरेको प्रति मेरो गम्भीर ध्यानाकर्षण भएको छ । यसमा कुनै सत्यता नरहेको प्रष्ट पार्न चाहन्छु।यस्तो घृणित कार्य गर्नेलाई तुरुन्त कानुनी प्रक्रियाको दायरामा ल्याउन पहल गर्नेछु।’
