एजेन्सी — ९४ औँ ओस्कारमा क्रिस रकलाई थप्पड हानेपछि पहिलो पटक सार्वजनिक रूपमा देखा परेका छन् हलिउड अभिनेता विल स्मिथ ।
हास्य कलाकार क्रिस रकले आफ्नी पत्नी, अभिनेत्री जाडा पिन्केट स्मिथको बारेमा ठट्टा गरेपछि उनी स्टेज उक्लिएर क्रिसलाई थप्पड मारेका थिए ।
उक्त घटना पछि सार्वजनिक रुपमा देखा नपरेका विल पछिलो समय भारतको मुम्बई सहरमा रहेको आफ्नो होटलमा भेटिएको थियो । विलले फ्यानहरूसँग केही फोटो समेत खिचेका छन्।उनी जुहुको ‘जेडब्लू मेरियट’ होटलमा बसेका थिए।
९४ ओँ ओस्कार एकेडेमी अवार्डका क्रममा क्रिसलाई शारीरिक आक्रमण गरेको आरोपमा १० वर्षको लागि ओस्कारबाट प्रतिबन्ध लगाइएको छ । उनले सो अवार्डका क्रममा आफुले गरेको कार्य निकैनै पीडादायी र दुखद रहेको बताएका थिए।
सो अर्वाडमा ‘किंग रिचर्डका लागि उनले उत्कृष्ट अभिनेताको अवार्ड जितेका थिए।
