काठमाडौं — जनता समाजवादी पार्टी, नेपाल ‘जसपा’ ले स्थानीय तहको निर्वाचन — २०७९ को घोषणा पत्र सार्वजनिक गरको छ ।
आइतबार काठमाडौंमा आयोजित एक कार्यक्रममा पार्टीका शीर्ष नेताहरूले सामूहिक रूपमा घोषणा पत्र सार्वजनिक गरेका हुन् ।
पार्टीका संघीय अध्यक्ष उपेन्द्र यादव, संघीय परिषद् अध्यक्ष तथा पूर्वप्रधानमन्त्री डा।बाबुराम भट्टराई, वरिष्ठ नेता अशोककुमार राई लगायतका नेताहरूले घोषणा पत्र सार्वजनिक गरेका हुन् ।
कार्यक्रममा राजेन्द्र श्रेष्ठ, महेन्द्र राय यादव, हिसिला यमी लगायतका नेताहरू सहभागी थिए ।
जसपाले ‘पहिचान, संघीयता, सुशासन र सदाचार स्थानीय सरकार समृद्धिको मूल आधार’ भन्ने मूल नाराका साथ घोषणा पत्र तयार गरेको छ ।
