कोभिडका कारण चीनको सांघाइमा आइतबार एकै दिन ३९ जनाको मृत्यु भएको त्यहाँको नेसनल हेल्थ कमिसनले जनाएको छ । आइतबार कोभिडका २२ हजार नयाँ संक्रमित भेटिएका थिए ।
साढे दुई करोड जनसंख्या भएको सांघाइमा पछिल्लो समय कोभिड संक्रमण बढ्दो क्रममा छ । बृद्ध र खोप नलागाएको ठूलो जनसंख्या कोभिडको जोखिममा रहेको स्वास्थ्य अधिकारीहरूले चेतावनी दिएका छन् । कोभिडबाट मृत्यु हुने अधिकांश बृद्धबृद्धा रहेको सरकारले दाबी गरेको छ ।
सरकारले कोभिडबाट मृत्यु हुनेमा खोप नलगाएका र दीर्घ रोगी भएको बताए पनि पछिल्लो पटक मृत्यु भएकामध्ये पाँच जनाले खोप लगाएको प्राप्त विवरणहरूमा जनाइएको छ ।
संक्रमितहरूको मृत्यु बढेसँगै चीनमा निर्मित खोपको प्रभावकारीताबारे केहीले प्रश्न उठाउन थालेका छन् ।
