काठमाडौं — राजस्व अनुसन्धान विभागले विभिन्न कम्पनीमार्फत नक्कली बीजक तयारपारी १८ करोड बढी राजस्व छली गरेको आरोपमा कम्पनीका सञ्चालक तथा साझेदारविरूद्व मुद्दा चलाएको छ ।
विभागले काठमाडौं महानगरपालिका १३ बाफल बस्ने शुभलक्ष्मी इन्टरनेशनलका प्रोपाइटर तथा गणपति ट्रेडिङ, एचवी ट्रेड एण्ड सप्लाइस र एमके इन्टरनेशनलका मुख्य कारोबारी मनिषकुमार अग्रवाल, सोही ठाउँ बस्ने एचवि ट्रेड एण्ड सप्लायर्सका साझेदार तथा गणपति ट्रेडिङ खाता सञ्चालक र एमके इन्टरनेशनलको कारोबारमा संलग्न हितेषकुमार अग्रवालविरूद्व मुद्दा दायर गरेको हो ।
यस्तै एमके इन्टरनेशनलका प्रोपराइटर प्रमित महर्जन, एचवी ट्रेड एण्ड सप्लायर्सका साझेदार विमल अग्रवाल र सोही ठाउँ बस्ने गणपति ट्रेडिङ प्रोपराइटर दीपेन्द्रकुमार अग्रवाल विरुद्ध पनि आइतबार मुद्दा दायर गरिएको विभागले जनाएको छ ।
शुभलक्ष्मी इन्टरनेशनलसमेतका कम्पनीले राजस्व चुहावट गर्ने मनसाय स्वरूप नक्कली तथा झुट्टा मूल्य अभिवृद्धि करको विजक किनेर वित्तीय विवरण तथा आय विवरण तयारपारी आयकर ऐन, मुल्य अभिवृद्धि कर ऐन तथा नियम बमोजिम तिर्नुपर्ने कर नतिरी राजस्व चुहावटको गरेको फेला परेको विभागले एक सूचना जारी गरी जनाएको छ ।
उनीहरूले राजस्व अनुसन्धान ९अनुसन्धान तथा नियन्त्रण० ऐन, २०५२ ९पहिलो संसोधनसहित०को दफा ३ ले निषेधित गरेको र सोही ऐनको दफा ४(क), (च) र (झ)० बमोजिमको कसुर गरेको विभागले दावी गरेको छ ।
अनुसन्धान गर्दा १८ करोड ५ लाख ६८ हजार विगो बराबरको राजस्व छली गरेको पाइएको उल्लेख गर्दै विभागले विगो असुल गरी शत प्रतिशत जरिवाना तथा कैद सजायको मागदावी गरेको छ ।
