काठमाडौं - नायक आकाश श्रेष्ठ र कविता बिस्ट अभिनित ‘छिटको सारी’ बोलको गीतको म्युजिक भिडियो सार्वजनिक भएको छ। यस गीतमा गायक लक्ष्मण गुरुङको स्वर रहेको छ।
डान्सीङ भर्सनको गीतमा प्रेम पाण्डे ‘अनुपम’ को शब्द, संगीत रहेको छ। यस गीतलाई साहस शाक्यले संगीत संयोजन गरेका हुन्। नवराज उप्रेतीले छायाँकन गरेको यस भिडियोमा दिपक एम सिंहको कोरियोग्राफी रहेको छ।
भिडियोलाई विकाश दाहालले सम्पादन गरेका हुन्। श्याम लामाको निर्देशनमा भिडियो तयार पारिएको हो। जेबिआर स्टुडियोको प्रस्तुति रहेको यस भिडियोलाई ओएसआर डिजिटल नामक युट्युव च्यानल मार्फत सार्वजनिक गरिएको हो।
https://www.youtube.com/watch?time_continue=8&v=en25m_6A7Gw&feature=emb_logo
प्रकाशित मिति: मंगलबार, वैशाख १३, २०७९ १३:२६
