काठमाडौं - त्रिभुवन विश्वविद्यालय (त्रिवि)ले चालु शैक्षिक सत्र २०७९को वर्षे विदा दिएको छ ।
वैशाख १४ गतेको बसेको त्रिवि कार्यकारी परिषद्को बैठकले चालु शैक्षिक सत्र २०७९ वैशाख २२ गतेदेखि २०७९ जेठ १३ गतेसम्म २३ दिन वर्षे विदा दिएको हो ।
विश्वविद्यालयको रजिस्ट्रारको कार्यालयले एक सूचना जारी गर्दै चालु शैक्षिक सत्रको वर्षे विदा दिइने क्याम्पसहरुको हकमा सम्बन्धित अध्ययन संस्थानबाट निर्णय गरे बमोजिम गर्ने भएकाे छ ।अन्य क्याम्पस, विभाग र स्कुलहरुको हकमा विद्यार्थीहरुको नियमित परीक्षा भने यथावत सञ्चालन गर्ने सूचनामा उल्लेख रहेकाे छ ।
