काठमाडौं- पछिल्लो २४ घण्टामा थप १५ जनामा कोरोना भाइरस संक्रमण पुष्टि भएको छ कसैको मृत्यु भएको छैन ।
स्वास्थ्य तथा जनसंख्या मन्त्रालयका अनुसार चार हजार ८२२ जनाको पीसीआर परीक्षणमा १५ जना र ९९३ जनाको एन्टीजेन परीक्षणमा शुन्य गरी १५ जनामा संक्रमण पुष्टि भएको हो ।
पछिल्लो २४ घण्टामा कोरोनाबाट १८ जना निको भएकाे मन्त्रालयले जनाएकाे छ ।
मन्त्रालयका अनुसार हाल देशभर २४९ जना सक्रिय संक्रमित रहेका छन् । जसमध्ये २४५ जना होम आइसोलेसनमा रहेका छन् भने ४ जना संस्थागत आइसोलेसनमा रहेका छन् ।
नेपालमा बिहीबार थपिएसँगै कोरोना संक्रमितको कुल संख्या ११ लाख १८ हजार ९८१ पुगेको मन्त्रालयले जनाएकाे छ ।
यससँगै नेपाल मृत्यु हुनेको संख्या ११ हजार ९५१ पुगेको छ भने ९ लाख ६६ हजार ५९३ जना संक्रमणमुक्त भएका छन् ।
