काठमाडाैं - नेपाल राष्ट्र बैंकले क्रेडिट कार्डबाट हुने कारोबारमा कडाइ गरेको छ । भुक्तानी प्रणाली सम्बन्धी एकीकृत निर्देशन–२०७८ मा संशोधन गर्दै क्रेडिट कार्डबाट हुने कारोबारमा नेपाल राष्ट्र बैंकले कडाइ गरेको हो ।
राष्ट्र बैंकका अनुसार क्रेडिट कार्डबाट कारोबार गर्दा अत्यावश्यक भएको अवस्थामा कार्डको स्वीकृत सीमाको १० प्रतिशत नगद झिक्न पाइने छ । यस्तै क्रेडिट कार्डमार्फत् वालेटमा लोड गरिएको रकम वस्तु तथा सेवाको विद्युतीय भुक्तानीका लािग मात्रै प्रयोग गर्नुपर्ने बैंकले जनाएकाे छ ।
उक्त रकम बैंक खातामा ट्रान्सफर गर्न र नगद झिक्न नमिल्ने अवस्थामा सम्बन्धित भुक्तानी सेवा प्रदायक संस्थाले गर्नुपर्ने बैंकले जनाएकाे हाे । विद्युतीय वालेटमा रकम लोड गर्दा, एक वालेटबाट अर्को वालेटमा रकमान्तर गर्दा तथा अन्य विद्युतीय भुक्तानी कारोबार गर्दा अनिवार्य रुपमा प्रयोजन खुलाउनुपर्न व्यवस्था गर्नुपर्ने बैंककाे विज्ञप्तिमा उल्लेख छ ।
