काठमाडौं– गायिका सुरक्षा सेन्चुरीको सुमधुर स्वरमा समावेश ‘कौवा करायो’बोलको म्युजिक भिडियो सार्वजनिक भएको छ।
कौवालाई नेपाली समाजमा संदेश बाहक पन्छीका रुपमा मानिन्छ। यहि पुरानो थिमलाई समेटेर तयार पारिएको यस गीतमा रमेश दाहालको शब्द रहेको छ।
गीतमा संगीतकार टिका दाहालले संगीतवद्द गरेका भने संदेश परियारको संगीत संयोजन रहेको छ। म्युजिक भिडियोमा विगतमा नेपाली समाजको अवस्था कस्तो थियो भन्ने कुरालाई देखाइएको छ।
भिडियोमा विकाश लामिछाने र सन्ध्या बुढा ‘काउली बुढी’ नव विवाहित दम्पति पात्रका रुपमा फिचर्ड छन्।
भिडियालाई बुद्ध थापाले छायांकन गरेका छन् भने दिनसन शाहको सम्पादन रहेको छ। केशब राज भट्टको परिकल्पना र निर्देशनमा भिडियो तयार पारिएको हो।
https://www.youtube.com/watch?v=vOyZ_lfDHRg
प्रकाशित मिति: बिहीबार, वैशाख २२, २०७९ १७:०६
