काठमाडौं– गीतकार अगम विकरालको ‘एकान्तमा’ गीतको म्युजिक भिडियो सार्वजनिक भएको छ ।
दार्जिलिङको मिरिकमा छायाङ्कन भएको भिडियोमा प्रतिमा लिम्बू र मनेन्द्र गोर्खाको अभिनय रहेको छ।
मेलिना राईको स्वर रहेको गीतमा नुहाङ राईको सङ्गीत र फणिन्द्र राईले ‘एरेञ्ज’ गरेका छन् । ‘एकान्तमा तिम्रो यादले सताउँछ उसैगरी’, ‘छुट्यो बाटो, टुट्यो सपना’, ‘कति कति सम्झनामा ती पुराना क्षणहरु’लगायत बोलका गीत म्युजिक भिडियोमा समावेश गरिएको छ ।
म्युजिक भिडियोको निर्देशन सङ्गीतकार राई स्वयमले गरेका हुन् । आपसी मतभेदका कारण श्रीमान्ले घर छोडेपछि एक्लिएकी युवतीको विरह भिडियोमा देखाइएको छ ।
https://www.youtube.com/watch?v=3ZkUSBAbNBk
प्रकाशित मिति: बिहीबार, वैशाख २९, २०७९ ११:२०
