गोरखा– नेपाली कांग्रेसका उम्मेदवार राजनराज पन्तलाई हराउँदै गोरखा नगरपालिकाको मेयरमा नेकपा माओवादी केन्द्रका कृष्ण रानामगर निर्वाचित भएका छन् । पन्त निवर्तमान मेयर हुन् ।
गोरखा नगरपालिकामा १४ वडा छन् । वडा नम्बर १ देखि १३ सम्मको मतगणनाअनुसार मेयरमा कृष्ण रानामगर निर्वाचित भएका हुन् । उनी ८ हजार २९५ मतका साथ अग्रता कायम राख्दै निर्वाचित भए ।
पन्तले ६ हजार ४५६ मतका साथ पछ्याउँदै छन् । राना र पन्तको मतान्तर १ हजार ८३९ रहेको छ । वडा नम्बर १४ मा १ हजार ४०१ मत गन्न बाँकी छ ।
प्रकाशित मिति: बुधबार, जेठ ४, २०७९ १०:२७
