काठमाडाैं - दक्षिण कोरियामा रक्त अभाव, समाधान बृहत रक्तदान कार्यक्रमको आयोजना गरेको छ ।दक्षिण कोरियाको सियोलमा मुख्यालय रहेको एचडब्लुपीएल, युएन इकोनोमिक र सामाजिक परिषद् र ग्लोबल कम्युनिकेसन विभाग अन्तर्गतको गैर–सरकारी संस्थाले मंगलबार रक्त अभाव समाधान गर्न १८ हजारभन्दा बढीमार्फत बृहत रक्तदान गरेको छ ।
कोभिड-१९ का कारण विश्वभर रगतको अभाव छ । रक्त अभावलाई मद्यनजर गर्दै जनवरी महिनामा अमेरिकन रेडक्रसले रोगीको उपचारमा ठुलो जोखिम देखिएको भन्दै 'राष्ट्रिय रक्त संकट' घोषणा गरेको थियो ।
यसैगरी मार्चमा, गैर-नाफामुलक अमेरिकी संस्था मेमोरियल ब्लड सेन्टर्स एमबीसीले ओ समुहको रगतको अभाव देखिएको भन्दै “आपतकाल“ घोषणा गरेको थियो । सो संस्थाले एक व्यक्तिले रक्तदान गर्दा तीन जनासम्मको ज्यान जोगाउन सक्ने भन्दै रक्तदानका अपिल गरेको थियो ।
रेडक्रसका अनुसार दुर्घटनाबाट हुने गम्भीर चोटपटक, शल्यक्रिया, रक्तअल्पता, प्रसव र क्यान्सर लगायतका विभिन्न रोगको उपचारका लागि रगतको आवश्यकता पर्छ । तर रगत कृत्रिम रूपमा उत्पादन गर्न नसकिने भएकाले रक्तदान एक मात्र उपाय भएको विज्ञहरू बताउँछन्।
दक्षिण कोरियामा अप्रिल १८ देखि मे १ सम्म भएको बृहत् रक्तदान अभियानमा १८ हजार भन्दा बढी सहभागि भएका थिए । यो अभियान देशकै सबैभन्दा ठूलो सामूहिक रक्तदानको रूपमा अभिलिखित गरिएको थियो । रक्तदानमा सहभागी हुनेमा हेभेन्ली कल्चर, वर्ल्ड पिस, रिस्टोरेसन अफ लाइटका स्वयंसेवक र सिन्छंजी चर्च अफ जीससका चर्चका सदस्यहरू थिए ।
कोरियन रेडक्रस रक्त सेवाका प्रमुख नामसुन चोले भने, “दक्षिण कोरियामा ओमिक्रोनको प्रभाव चरम सीमामा पुगेको बेला सिन्छंजी चर्च अफ जीससले शुरु गरेको रक्तदान अभियानले खडेरीमा वर्षा जस्तै भएको थियो । ३ दिनमा दाताको संख्या ६ हजार नाघेको र धेरै मानिसहरु सहभागी भएकोमा हामीहरु आश्चर्यचकित भएका छौं । हामी जीवन बचाउने यस समर्पणको कदर गर्छौं ।”
कोरियन रेडक्रसको रक्त व्यवस्थापन केन्द्रका अनुसार एक दिनको रक्तदानले ३.५ दिनको रक्त आपूर्ति हुन्छ ,सामान्यताया १ दिनको रक्त आपूर्ति ५,०२९ रक्तदान बराबर हुन्छ। स्वैच्छिक रक्तदानका कारण ओमिक्रोन भेरियन्टले गर्दा यो वर्षको सुरुदेखि नै देखिएको रक्तअभाव एकैपटक समाधान भएको छ ।
“उनीहरूले जीवन–साझेदारी संचालनमा साँच्चै ठूलो काम गरे । यो मात्रा एक वर्षको लागि रक्तदान गर्ने सेनाको दल बराबर हो । रक्तदाताको संख्या सामान्य दिनको तुलनामा झण्डै चार गुणा बढी छ, जसले वर्तमान रक्त आपूर्ति संकटलाई पार गर्न ठूलो मद्दत गर्छ,रक्त सेवाका एक अधिकारीले भने ।
प्रकाशित मिति: बुधबार, जेठ ४, २०७९ १३:४५
