काठमाडौं– रूपन्देहीको सिद्धार्थनगर१० मा विजय जुलुसमा प्रयोग गरिएको मिनी ट्रक दुर्घटना हुँदा दर्जन बढी घाइते भएका छन् ।
मतगणना स्थलबाट एमालेको विजय जुलुससँगै निस्किएको गाडी सिद्धार्थनगर(१० को शंकरपुरमा दुर्घटनामा परेको हो ।
मिनी ट्रक अनियन्त्रित भएर पल्टिएको जिल्ला ट्राफिक प्रहरी कार्यालय रुपन्देहीले जनाएको छ । घाइतेको भैरहवास्थित युनिभर्सल मेडिकल कलेजमा उपचार भइरहेको छ ।
घाइतेमध्ये ६ जनाको अवस्था गम्भीर रहेको उपचारमा संलग्न चिकित्सकले बताएको प्रहरीले जनाएको छ ।
घटनाको यकिन विवरण आउन बाँकी रहेको प्रहरीले जनाएका छ । सिद्धार्थनगर–१० बाट नेकपा एमालेका उम्मेदवार सुर्जमन यादव विजयी भएका छन् । उनी १ हजार १ ल्याएर विजयी बनेका हुन् ।
प्रकाशित मिति: बुधबार, जेठ ४, २०७९ १४:०३
