काठमाडौं – सप्तरीको बलानबिहुल गाउँपालिका–६ सेहरा चोकमा गएराती ३ जना सवार मोटरसाइकल दुर्घटना हुँदा एक जनाको मृत्यु भएको छ भने दुई जना गम्भीर घाइते भएका छन् ।
मृत्यु हुनेमा मोटरसाइकल चालक सखुवानन्कारकट्टी गाउँपालिका–२ का २२ वर्षीय लोचन यादव रहेका छन् । गम्भीर घाइते भएका उनको उपचारका लागी अस्पताल लैजाने क्रममा बाटोमै मृत्यु भएको प्रहरीले जनाएको छ ।
घाइते भएकी मोटरसाइकलमा पछाडी सवार स्थानीय ८ वर्षीया कृतिकाकुमारी यादव र भगवानपुर गाउँपालिका ३ का २२ वर्षीय अनिलकुमार यादवको धरानस्थित बीपी कोईराला स्वास्थ्य बिज्ञान प्रतिष्ठानमा उपचार भइरहेको छ ।
तीन जना सवार अनटेष्ट लेखिएको मोटरसाइकल गएराती पौने १ बजे अनियन्त्रित भई सडकमा पल्टिएको प्रहरी चौकी मौवाहाले जनाएको छ ।
प्रकाशित मिति: बिहीबार, जेठ ५, २०७९ १२:५७
