कपिलवस्तु– कपिलवस्तु नगरपालिकामा जसपा नेपालले विजयी सूरुवात गरेको छ। कपिलवस्तु नगरपालिका नगरमा मेयर र उप मेयर दुबै जसपाको पक्षमा गएको हो। प्रमुखमा सुदीप पौडेल ३ हजार १ सय २४ मतान्तरले विजयी भएका छन्। उनले ११ हजार ९०६ मत ल्याई विजयी बनेका हुन्।
उनका निकटतम प्रतिद्वन्द्वी एमालेका राजेश कुमार गुप्तले ८ हजार ७ सय ८२ मत ल्याएका थिए। त्यस्तै, उपप्रमुखमा जसपाकै सुनिता गुप्ता विजयी भएकी छन्। उनले ९ हजार ५ सय ७० मत ल्याई विजयी भएकी छन्। उनका निकटतम प्रतिद्वन्द्वी एमालेकी तुलसादेवी पाण्डेले ९ हजार ३ सय ७९ मत ल्याएकी छन्। यस अघिका मेयर कांग्रेसका किरण सिंहले ७ हजार ५१ मत ल्याई तेश्रो भएका छन्।
नगरपालिकामा जसपाले ३ वटा वडा, कांग्रेसले ५ र एमालेले २ वडा अध्यक्षमा जितेका छन।
प्रकाशित मिति: बिहीबार, जेठ ५, २०७९ १४:३८
