काठमाडौं- नेपाल आयल निगमले फेरी पेट्रोल र ग्याँसमा मूल्य वृद्धि गरेको छ । स्थानिय तहको निर्वाचन सकिएसँगै शनिबार राति १२ बजेदेखि लागू हुने गरी पेट्रोलियम पदार्थ र ग्याँसमा आयल निगमले मूल्यवृद्धि गरेको हो ।
निगमले पेट्रोल, डिजेल, मट्टितेल र हवाई इन्धन आन्तरिकमा प्रतिलिटर रु १० र खाना पकाउने एलपी ग्यासमा प्रतिसिलिण्डर रु २०० वृद्धि गरेको छ ।
पेट्रोलको मूल्य प्रतिलिटर रु १८० तोकिएको छ । डिजेल र मट्टितेलको मूल्य प्रतिलिटर रु १६३, हवाई इन्धनको मूल्य प्रतिलिटर रु १६६ तथा एलपी ग्यासको मूल्य प्रतिसिलिण्डर रु एक हजार ८०० पुगेको छ ।
निगमले यसअघि गत वैशाख ३१ गते पेट्रोल, डिजेल र मट्टितेलमा प्रतिलिटर रु १० वृद्धि गरेको थियो ।
प्रकाशित मिति: सोमबार, जेठ ९, २०७९ १०:३९
