काठमाडौं- नेपाली थ्रिलर फिल्म ‘अपीच्य’ को पोस्टर सार्वजनिक गरिएको छ । निर्देशक प्रदीप खड्गीले निर्देशन गरेको हरर फिल्मको पोस्टर सामाजिक सञ्जालमार्फत सार्वजनिक गरिएको हो ।
फेसबुकमा पोस्टरलाई सार्वजनिक गर्दै खड्गीले लेखेका छन् ‘हरर फिल्मको फस्ट लुकलाई सार्वजनिक गर्न पाउँदा हामी अत्यन्त खुसी छौँ । अब चाँडै नै सिनेमा हलहरुमा लाग्दैछ ।’
डेल्टा मल्टिमिडियाको व्यानरमा सुदन श्रेष्ठ, धर्म महर्जन र सुरेश महर्जनले फिल्म निर्माण गरेका छन् ।
फिल्ममा सनिष शाक्य, सलोना बज्राचार्य, सुरज व्यञ्जनकार, रवि गिरी, रचना सिंह, सुरेन्द्र मानन्धर, कृष्णभक्त, राजेन्द्रकुमार, लक्ष्मीकुमार महर्जन, विनेश श्रेष्ठ, लूनिभा खड्गी, लक्ष्मीनाथ मदगैया लगायतको मुख्य भूमिका रहेको छ ।
फिल्मको कथा वरिष्ठ कलाकार सुशील राजोपाध्यायले सम्पादन गरेको भने विविन महर्जनले व्यवस्थापन गरेका हुन् ।
प्रकाशित मिति: बुधबार, जेठ ११, २०७९ १४:०८
