काठमाडौं - नेपाली राष्ट्रिय फुटबल टोलीको कप्तानमा नवयुग श्रेष्ठ नियुक्त भएका छन् । मुख्य प्रशिक्षक अब्दुल्लाह अलमुताइरी र १० खेलाडीबीचको विवाद अन्त्य नभएकाले किरण चेम्जोङसहित ती खेलाडी बिना नै राष्ट्रिय टोलीको घोषणा भएपछि नवयुग श्रेष्ठ नयाँ कप्तान तोकिएका हुन् ।
कुवेतमा हुने एशियन कप जेठ २५ गतेदेखि जेठ ३१ गतेसम्म छनौटमा खेल्न नवयुग श्रेष्ठको नवकप्तानीमा आज टोली कतान जान लागेको छ ।
नेपालले समूह ए अन्तर्गत आफू भन्दा निकै बलिया टोली कुवेत, जोर्डन र इन्डोनेशियासँग प्रतिस्पर्धा गर्नेछ । कुवेत जानुअघि राष्ट्रिय टोलीले करिब ११ दिन कतारमा अन्तिम तयारी गर्नेछ ।
जेठ २५ गते जोर्डन, जेठ २८ गते कुवेत र जेठ ३१ गते इन्डोनेशियासँग नेपालले प्रतिस्पर्धा गर्दैछ ।
हरेक समूहका शीर्ष टोली र पाँच समूहको उत्कृष्ट दोस्रो टोली २०२३ मा चीनमा आयोजना हुने एशियन कपमा छनौट हुनेछन् ।
प्रकाशित मिति: बुधबार, जेठ ११, २०७९ १४:२७
