काठमाडौं– विश्वकै सबैभन्दा होचो पुरुष को विश्व रेकर्ड नेपालका डोरबहादुर खपाङ्गीले बनाएका छन् ।
गिनिज बुक अफ वर्ल्ड रेकर्डले उनलाई सो उपाधि दिएको छ । गिनिज बुकका अनुसार उनको जन्म सन् २००४ को १४ नोभेम्बरमा भएको थियो । उनी १७ वर्षका भएका छन् । उनको उचाइको मापन सन् २०२२ को मार्च २३ मा काठमाडौँमा गरिएको थियो । उनको उचाइ २ फिट ४.९ इन्च रहेको थियो ।
खपाङ्गीलाई नेपाल टुरिजम बोर्डका सीईओ धनञ्जय रेग्मीले प्रमाणपत्र हस्तान्तरण गरेका थिए ।
आफ्नो परिवारको कान्छा छोरा रहेका डोरबहादुर सिन्धुलीका बासिन्दा हुन् । उनी हाल गाउँकै स्कूलमा पढिरहेका छन् । यसअघि यो उपाधि नेपालकै खगेन्द्र थापा मगरको नाममा थियो ।
प्रकाशित मिति: बिहीबार, जेठ १२, २०७९ १३:३०
