काठमाडौं- सोमबार सेयर बजार सूचक नेप्सेमा थप १२ अंकमाथिको गिरावट आएको छ । निरन्तर घट्दो क्रममा रहेको नेप्सेमा साताको पहिलो कारोबार दिन समेत रहेको सोमबार थप १२.८९ अंकको गिरावट आउदै २० हजार ६५.८२ अंकमा झरेको हो ।
उसो त यस दिन कारोबार रकम समेत घटेर १ अर्ब २७ करोड ३३ लाखमा खुम्चिन पुगेको नेपाल स्टक एक्सचेञ्जले जनाएको छ । १३ वटा उपसूचकमध्ये आज विकास बैंक समूहको सूचक ०.३३ प्रतिशतले बढेको छ भने फाइनान्स समूहको ०.२२ प्रतिशतले, म्यानु एण्ड प्रो ०.४२ प्रतिशतले, माइक्रोफाइनान्स ०.५३ प्रतिशतले, मुचुअल फन्ड ०.२७ प्रतिशतले र अन्य समूह ०.१ प्रतिशतले मात्र वृद्धि भएको छ ।
यता बैंकिङ समूहको उपसूचक आज १.३२ प्रतिशतले घटेको छ भने व्यापार समूहको ०.१ प्रतिशतले, होटल तथा पर्यटन समूहको ०.०५ प्रतिशतले, हाइड्रोपावर समूहको ०.२१ प्रतिशतले निर्जीवन बीमा ०.५८ प्रतिशतले, जीवन बीमा २.०१ प्रतिशतले र व्यापार समूह ०.३१ प्रतिशतले घट्न पुगेको छ ।
प्रकाशित मिति: सोमबार, जेठ २३, २०७९ १५:५६
