प्रभाव संवाददाता
काठमाडौं– प्रतिक्षित नेपाली फिल्म ‘प्रेम गीत–३’को मोसन टिजर बिहीबार सार्वजनिक भएको छ । ५६ सेकेन्डको उक्त टिजरमा फिल्मका मुख्य कलाकार प्रदीप खड्का योद्धाको रूपमा देख्न सकिन्छ । आसुसेन फिल्म प्रोडक्सनको ब्यानरमा निर्माता सन्तोष सेन र छेतेन गुरुङले एकसाथ निर्देशन गर्न लागेको उक्त फिल्म उनीहरूले नै निर्माण गर्दैछन् ।
फिल्म ‘चंखे शंखे पंखे’, ‘प्रेम गीत’, ‘प्रेम गीत–२’, ‘मेरी मामु’ पछिको यो निर्माता सेनको पाँचौं प्रोजेक्ट हो । व्यवसायीरूपमा सफल मानिएको फिल्म ‘प्रेम गीत’को यस तेस्रो सिरिजलाई यो बर्षको अन्तिममा प्रर्दशनमा आउने भएको छ ।
फिल्ममा क्रिस्टिना गुरुङ, शिव श्रेष्ठ, सुनिल थापा, प्रदीप खड्का, मनिष राउत, सन्तोष सेन, प्रेम पुरी, पुष्करलगायतका कलाकारको अभिनय रहने छ ।
