काठमाडौं- बाराको जितपुरसिमरा उपमहानगरपालिका–२२ मा सोमबार ट्रकको ठक्करबाट मोटरसाइकलमा सवार एक दम्पतीको मृत्यु भएको छ ।
मृत्यु हुनेमा मोटरसाइकल चालक बाराकै बारागढी गाउँपालिका-१ भवानीपुर बस्ने २६ वर्षीय देबेन्द बछार चौधरी र उनकी २२ वर्षीया श्रीमती नन्द चौधरी रहेका छन् ।
उनीहरूको घटनास्थलमै मृत्यु भएको प्रहरीले जनाएको छ ।
हेटौडाबाट वीरगन्जतर्फ जाँदै गरेको ना ७ ख ३९४८ नम्बरको ट्रकले सोही दिशातर्फ जाँदै गरेको बागमती प्रदेश ०३ ००४ प १५१७ नम्बरको मोटरसाइकललाई आज बिहान ९ बजे ठक्कर दिएको थियो ।
दुबै सवारी साधन र ट्रक चालकलाई इलाका प्रहरी कार्यालय सिमराले नियन्त्रणमा लिएको छ ।
प्रकाशित मिति: सोमबार, जेठ ३०, २०७९ १५:०८
