काठमाडौं– गायन रियालिटी शो ‘नेपाल आइडल’को सिजन १ मा उत्कृष्ट पाँचसम्म यात्रा तय गर्न सफल प्रतियोगी सुजाता पाण्डेले आफ्नो नयाँ गीत सार्वजनिक गरेका छन् । ‘तिमी भएर’को गीतलाई उनले भिडियोमा सार्वजनिक गरेकी हुन् । आधुनिक र पाश्र्वगायनमा रुचि राख्दै आएकी सुजाताले यसपटक रोमान्टिक भर्सनमा ‘तिमी भएर’ ल्याएकी छन् ।
यसअघि आधुनिक र विभिन्न फिल्मका गीतमा आफ्नो स्वर दिइसकेकी गायिका पाण्डेले यसपाली गायक कमल खत्रीसँग मिलेर युगल गीत गाएकी छन् ।
हालै सार्वजनिक गीतमा शब्द र संगीत चर्चित संगीतकार अर्जुन पोखरेलको रहेको छ । गीतको संगीत संयोजन भने बाबु प्रधानले गरेका हुन् ।
गीतको भिडियोमा नायिका तथा मोडेल वर्षा सिवाकोटी र मोडेल सुशान्त सिंह ठकुरीको अभिनय रहेको छ । सुबोल थापाले कोरियोग्राफी गरेको भिडियोलाई उत्सब दाहालले खिचेका हुन् ।
भरत रेग्मीले भिडियो सम्पादन गरेका हुन् । जय शर्मा सहायक निर्देशक रहेको भिडियोलाई सुब्रतराज आचार्यले निर्देशन गरेका हुन् । सार्वजनिक भिडियोबाट दर्शक÷श्राताको सकारात्मक प्रतिक्रिया पाइरहेको पाण्डेले बताइन् ।
