काठमाडौं– अभिनेता विराज भट्ट स्टारर नेपाली फिल्म ‘साङ्लो’ निर्धारित समयभन्दा अगाडि रिलिज हुने भएको छ । यो फिल्म अब २४ माघमा रिलिज हुने भएको हो । यसअघि यो फिल्म ९ फागुनमा रिलिज हुने भनिएको थियो । तर, त्यसभन्दा अगाडि रिलिज हुने भएपछि पुनः नया“ रिलिज मिति घोषणा गरिएको हो ।
निर्माणपक्षले फिल्मको पोस्टर सार्वजनिक गर्दै रिलिज नयाँ रिलिज मिति तोकेको हो । सार्वजनिक गरिएको पोस्टरमा विराजसँगै मुख्य अभिनेत्री निकिता चाण्डकलाई प्रमुखता दिइएको छ । सिनेमाको पहिलो गीत बिहीबार रिलिज गर्ने तयारीमा विराज छन् । विराजको आफ्नै लगानीमा निर्मित यस फिल्ममा प्रकाश शाह, कामेश्वर चौरासिया, जयनन्द लामा, आरपी पन्तलगायतका कलाकार मुख्य अभिनय रहेको छ ।
फिल्ममा श्री श्रेष्ठको द्वन्द्व निर्देशन, मानकृष्ण महर्जनको छायाँकन, सुरेश अधिकारी र राजनराज सिवाकोटीको संगीत र शिवम अधिकारीको कथा रहेको छ ।
