काठमाडौं - गायक जिवन राजवंशी र अनुमा चौधरीको आवाजमा रहेको गीत ‘नामसारी’ बोलको म्युजिक भिडियो सार्वजनिक भएको छ ।
‘नामसरी’ एक रोमान्टिक राजवंशी भाषाको गीत हो । यस गीतको भिडियोमा नरदास राजवंशी र तृप्ति राजवंशीको अभिन्य रहेको छ। नरदास र तृप्तिको यो डेब्यु म्युजिक भिडियो हो । गीतलाई गायक राजवंसी स्वयले कम्पोज गरेका हुन् भने लिरिक्स जिवन र इशान कोचको रहेको छ ।
कार्तिक राजवंशीको निदेशनमा बनेको यो गीतलाई आशिलाल राजवंशीले निमार्ण गरेका हुन भने रेकर्डिस्ट साजन, क्यामेरा ड्रोन धीरेन शाह,मेकअप कृष्ण सुवेदी, सम्पादन पवन कुमार सहनी र एरेन्जरमा सूरज श्रेष्ठ रहेका छन् ।
युवा प्रेम र आकषर्णलाई कलात्मक ढंगले प्रस्तुत गरिएको भिडियोमा माया,प्रेम,शँका र सम्बन्ध लाई रचनात्मक तवरले देखाउन खोजिएको छ।
पूर्वीनेपालको पर्यटकिय आकर्षण बोकेका ठाउँहरु तेह्रथुम, तिनजुरे, भेडेटार, झापामा गीतको छायाङ्कन गरिएको छ ।
निकै मेहेन्तका साथ गुणस्तरीय गीत र म्युजिक भिडियो बनाउने प्रयास आफुहरुले गरेको गायकले बताए । उनी भन्छन्,‘ हामी सधैं दर्शक, स्रोताहरुलाई गुणस्तरीय गीत,संगीत दिने गरि काम गर्छौं।आशा छ हजुरहरुले साँच्चै यस गीतलाई पनि मनपराईदिनुहुन्छ।’ उनले सम्पूर्ण दर्शक स्रोतालाई भिडियो हेरेर प्रतिक्रिया दिन सबैलाई आग्रह गरेको छ।
‘विटर्स स्टुडियो’ विर्तामोडमा रेकर्ड गरिएको यस गीतको भिडियो गायक जिवन राजवंशीको यूट्युब च्यानल बाट सार्वजनिक भएको छ।
https://www.youtube.com/watch?v=RyZmN7tbNcc
प्रकाशित मिति: मंगलबार, असार १४, २०७९ १६:४३
