काठमाडौं- प्रभाव दैनिकका प्रबन्ध निर्देसक कृष्णबहादुर कार्कीले नेपाल पत्रकार महासंघ काठमाडौं शाखालाई २० थान प्लाष्टिकको कुर्सी मंगलबार हस्तान्तरण गरेका छन् ।
कार्कीले शाखाका अध्यक्ष सूर्य सुवेदी र कार्य समिति सदस्य रमेश कुमार बोहोरालाई संयुक्त रुपमा कुर्सी हस्तान्तरण गरेको हो ।
शाखाका अध्यक्ष सुवेदीले कार्कीले गरेको सहयोगको प्रंशसा गर्दै धन्यवाद दिए । कार्यक्रममा बोल्दै प्रबन्धक निर्देशक कार्कीले कार्य समिति सदस्य रमेश कुमार बोहोराको आग्रहमा शाखालाई २० थान कुर्सी उपलब्ध गराएको जनाए । आगामी दिनमा पनि शाखालाई सक्दो सहयोग गर्ने उनले बताए ।
कार्यक्रममा शाखाकी उपाध्यक्ष अप्सरा गौतम, सचिव महेश्वर गौतम, सह–सचिव हेमबहादुर राणा, कार्य समिति सदस्य रमेश लामिछाने, उपत्यका प्रदेश समितिका सदस्य विष्णु गिरी, पत्रकार एकराज दाहाल, विएन दाहाल, ताराचन्द्र देवकोटा, अमिर लामा, पद्मा सागर कक्षपतिलगायत झण्डै दुई दर्जन पत्रकारहरुको उपस्थिति रहेको थियो ।
प्रकाशित मिति: बुधबार, असार १५, २०७९ १२:१४
