काठमाडौं- ठमेलमा रहेको एलओडी ‘लड अफ द ड्रिंक्स्’ क्लब विश्वकै उत्कृष्ट क्ल्बमध्ये ५२ औं स्थानमा परेको छ। केही समय अघि क्लब ुडिजे म्याग टप सयु को नोमिनेसनमा परेको थियो।
युकेस्थित डिजे म्यागले छनौट गर्ने सन् २०२२ का लागि सय उत्कृष्ट क्लब क्याम्पियनमा एलओडी ५२ औं स्थानमा परेको हो। म्यागमा विश्वभरका सय उत्कृष्ट डिजे क्लबको सहभागी थिए। डिजे म्यागले हरेक वर्ष विभिन्न मुलुकमा रहेका उत्कृष्ट क्लबहरूको छनौट गर्ने गर्छ।
बुधबार क्लबमा पत्रकार सम्मेलन गर्दै एलओडी डिजे म्याग टप सयको छनौट भएर ५२ औं स्थानमा पर्न सफल भएकोले राष्ट्रको नाम सँगसँगै जोडिएकाले गर्वको अनुभूति भइरहेको क्लबका निर्देशक रविन श्रेष्ठले बताए। उनकाअनुसार पाँच सय क्लब सहभागी थिए।
‘एलओडी क्लब डिजे म्यागको टप १०० मा पर्नु भनेको नेपालको पनि शान हो,’ श्रेष्ठले भने, ‘टप १०० भित्र एलओडीको छनौट भएसँगै नेपालको नाम पनि जोडिएर जान्छ।’
सय वटा उत्कृष्ट क्लबमा एलओडी पर्दा विश्वभरका क्लब पारखीले नेपालको नाम थाहा पाउने उनको भनाइ छ। विश्वको सय उत्कृष्ट क्लबमा पार्न लागि सबै जनाको साथ सहयोग रहेको बताउँदै श्रेष्ठले रात्रीकालीन जीवनका पारखीहरू तथा विदेशी पर्यटकहरूलाई यस क्लबले झनै आकर्षण गर्न सक्ने बताए।
प्रकाशित मिति: बुधबार, असार १५, २०७९ १७:०१
