काठमाडौं - देशभर शनिबार पनि मनुसुनी वायुको प्रभाव कायम छ । प्रदेश १, बागमती प्रदेश, लुम्बिनी प्रदेश र गण्डकी प्रदेशका केही स्थानहरुमा अहिले हल्का वर्षा भइरहेको छ।
जल तथा मौसम पूर्वानुमान महाशाखाले आज देशभर आंशिक देखि सामान्य बदली रहने र पहाडी भूभागका अधिकांश स्थानमा हल्का देखि मध्यम वर्षाको सम्भावना रहेको जनाएको छ।
महाशाखका अनुसार तराई क्षेत्रमा समान्य वर्षा हुने र प्रदेश १ का एक वा दुई स्थानहरुमा भारी वर्षाको समेत सम्भावना छ।
बाढी तथा पहिरोको जोखिम रहेकाले सतर्कता अपनाउन महाशाखाले अनुरोध गरेको छ । भोलि आइतबार पनि देशका धेरै स्थानहरूमा हल्कादेखि मध्यम वर्षाको सम्भावना छ।
सोमबार देशभर आंशिकदेखि सामान्य बदली रहनेछ। देशका केही स्थानहरूमा हल्कादेखि मध्यम वर्षाको सम्भावना रहेको छ। गण्डकी र लुम्बिनी प्रदेशका का एक वा दुई स्थानहरूमा भारी वर्षाको पनि सम्भावना रहेको छ।
प्रकाशित मिति: शनिबार, असार १८, २०७९ १०:०४
