एजेन्सी- फुटबल स्टार क्रिस्टियानो रोनाल्डोले म्यानचेस्टर युनाइटेड क्लब छाडेर जान चाहेको जानकारी दिएका छन् ।
तर युनाइटेडले भने रोनाल्डोलाई बिक्री गर्न नचाहेको बताइएको छ ।
रोनाल्डोले राम्रो अफर आए आफूलाई जान दिन क्लबसँग आग्रह गरेको छ । योसँगै अर्को प्रिमियर लिग क्लब चेल्सी ‘हाई अलर्ट’ मा बसेको छ ।
रोमेलु लुकाकुले क्लब छाडेर गएपछि चेल्सी नयाँ स्ट्राइकरको खोजीमा रहेको छ ।
दुई दशकमा पहिलोपटक च्याम्पियन्स लिग खेल्न नपाउने भएकाले रोनाल्डो असन्तुष्ट रहेको बुझिएको छ ।
त्यस्तै, युनाइटेडको अहिलेको टोली प्रिमियर लिगमा दाबेदारी प्रस्तुत गर्न असमर्थ रहेको उनको ठम्याइ रहेको छ ।
रोनाल्डो आफू ४० वर्षको उमेरसम्म उच्च स्तरमा खेल्न सक्ने र अझै एकपटक च्याम्पियन्स लिग उपाधिका लागि दाबेदारी प्रस्तुत गर्ने सोचमा रहेको बेलायती मिडियाहरूले जनाएका छन् ।
प्रकाशित मिति: आइतबार, असार १९, २०७९ १०:०२
