काठमाडाैं - ज्योति विकास बैंकले "ज्योति रिकरिङ डिपोजिट” निक्षेप योजना संचालनमा ल्याएको छ। ग्राहकहरुलाई अधिकतम लाभ प्रदान गराउनुका साथै नियमित बचत गर्ने बानीको विकास गराउने उद्देश्यका साथ आकर्षक ब्याजदर सहितको ज्योति रिकरिङ खाता संचालनमा ल्याइएको हो।
उक्त योजना अन्तर्गत ग्राहकहरुले आवश्यकता अनुसार १ वर्ष देखि १० वर्ष सम्मका लागी मासिक रुपमा रकम जम्मा गर्न सक्ने बैंकले जनाएकाे छ । बैंकका अनुसार व्यक्तिगत ग्राहकलाई लक्षित गरी ल्याइएको यस खातामा मासिक रुपमा न्यूनतम रु. ५०० का दरले क्रमिकरुपमा रकम जम्मा गर्दै जान सकिनेछ ।
नियमित आम्दानी प्राप्त गर्ने रोजगारीमा भएका वर्ग, साना उद्यमी व्यवसायी, निश्चित आम्दानी भएका कृषक, रेमिटान्स प्राप्त गर्ने ग्राहक, नवविवाहित दम्पति, युवा-युवतीहरु, अभिभावक वर्गहरुले भविष्यमा एकमुस्ट रकम प्राप्त गर्नको लागी मासिक रुपमा चाहेको निश्चित रकम नियमित रुपमा जम्मा गरि तोकिएको समय व्यतित भए पश्चात एकमुस्ट भुक्तानी लिन सक्ने बैंकले जनाएकाे छ।
साथै आवश्यक परेको खण्डमा मौज्दातको ९० प्रतिशतसम्म ऋण सुविधाको व्यवस्था पनि रहेकाे बैंकले उल्लेख गरेकाे छ। ग्राहकहरु केन्द्रित भई आवश्यकता र मागहरुलाई अनुसरण गर्दै नवीनतम सुविधाहरु र कारोबारलाई थप दिर्घकालिन र प्रभावकारी बनाउन सक्रिय रहँदै आएको बैंककाे दाबी छ।
प्रकाशित मिति: आइतबार, असार १९, २०७९ २०:१०
