नेपालगञ्ज -
नेपाली चलचित्रका चर्चित नायक जीवन लुईंटेल युवाहरुसँग साक्षात्कार गर्न नेपालगञ्ज आउँदैछन् । बासले साप्ताहिक रुपमा आयोजना गर्ने कार्यक्रम ईन्सपाईरिङ्ग युथमा उत्प्रेरक प्रवचकको रुपमा प्रवचन दिन नेपालगञ्ज आउन लागेका हुन् ।
नाई नभन्नु ल, रिदम, नोटक बुक, ठूली लगाएत दर्जनौं नेपाली चलचित्रका नायक लुईँटेल बासको आयोजनामा नेपालगञ्जको सिएसटि होटेल एण्ड पार्टी प्यालेसमा कार्तिक १३ गते साँझ ५ बजे आयोजना हुने साप्ताहिक कार्यक्रममा सहभागि हुनेछन् । उनले कार्यक्रममा आफ्नो अनुभव सुनाउनुका साथै सहभागिहरुसँग साक्षात्कार गर्नेछन् ।
२०७३ जेष्ठ देखि शुरु भएको साप्ताहिक कार्यक्रममा बिभिन्न व्यक्तित्वहरुले उत्प्रेरणात्मक प्रवचन दिईसकेका छन् ।
