काठमाडौं - सत्तासीन दल नेपाली कांग्रेसको पदाधिकारी बैठक आज बस्दैछ। पार्टीको भातृ संगठनको विषयदेखी समसमायिक राजनीतिमा छलफल गर्न दिँउसो १ बजे केन्द्रीय कार्यालय सानेपमा पदाधिकारीको बैठक बस्न लागेको हो।
२७ गते बस्ने केन्द्रीय समितिको बैठकका एजेन्डाका बारेमा छलफल गर्न सभापति देउवाले पदाधिकारी बैठक डाकेका हुन्।समसामयिक राजनीति, केही भ्रातृ संस्थाका विधान टुंग्याउने र केन्द्रीय समितिका लागि एजेन्डा तय गर्नेबारे पदाधिकारी बैठक बस्न लागेको हो।
आजको बैठकमा शेखर कोइरा समूहले भने पाँच बुदेँ असन्तुष्टी जाहेर गर्ने भएको छ। पार्टीका सबै विभागमा ४० प्रतिशतसमेतको दावी गर्दै कोइराला पक्षले असन्तुष्टी राख्ने भएको हो।
बिहिवार बसेको कोइराला समुहका बैठकले सरकार भ्रष्टचारमा लिप्त भएको देखी सभापति शेरबहादुर देउवा पार्टीको नेता नभएर गुटको नेता भएको भन्दै ‘रचानात्मक बिद्रोह’ गर्ने निर्णय गरेको थियो।
प्रकाशित मिति: मंगलबार, असार २१, २०७९ ०८:५४
