काठमाडौं - पछिल्लो २४ घण्टामा थप ११३ जनामा कोरोना भाइरस संक्रमण पुष्टि भएको छ ।दुई हजार सात सय २४ परीक्षणमा एक सय १३ जनामा संक्रमण भएको स्वास्थ्य तथा जनसंख्या मन्त्रालयले जनाएकाे हो ।
मन्त्रालयका अनुसार आज एक हजार पाँच सय ४९ जनाको पीसीआर परीक्षण गर्दा ९० जना र एक हजार एक सय ७५ जनाको एन्टिजेन परीक्षण गर्दा २३ जनामा संक्रमण देखिएको छ ।
यससँगै कोरोना भाइरसको सक्रिय संक्रमितको संख्या ४७१ पुगेको छ । पछिल्लो २४ घण्टामा २० जना संक्रमणमुक्त भएका छन् ।बुधबार कोरोना संक्रमित थपिएसँगै नेपालमा कोरोना संक्रमितको कुल संख्या ११ लाख २० हजार ५५७ पुगेको छ ।
नेपालमा मृत्यु हुनेको संख्या ११ हजार ९५२ पुगेको छ भने ९ लाख ६७ हजार ५७५ जना संक्रमणमुक्त भएकाे मन्त्रालयकाे तथ्याङ्कले जनाएकाे छ ।
