टोकियो- जापानका भूतपूर्व प्रधानमन्त्री सिन्जो आबेमाथि गोली प्रहार भएको छ ।
जापानको नारा शहरमा एउटा कार्यक्रममा सहभागी भइरहेको बेला आबेमाथि गोली प्रहार भएको एनएचकेले जनाएको छ ।
कार्यक्रममा बोल्दै गर्दा गोली लागेका आबे भुईंमा ढलेका थिए र उनको शरीरबाट रगत बगिरहेको थियो ।
आक्रमणकारीलाई प्रहरीले पक्राउ गरी हिरासतमा राखेको छ । जापानमा यस्ता आक्रमण विरलै हुन्छन् ।
जापानमा पेस्तोल बोक्न प्रतिबन्ध छ । घटनाको छानविन भइरहेको प्रहरीले जनाएको छ ।
प्रकाशित मिति: शुक्रबार, असार २४, २०७९ १२:१४
