काठमाडौं- प्रज्ञा फिल्मस् को ब्यानरमा बनेको टेलिचलचित्र माया सार्वजनिक भएको छ । जातिय भेदभावको कथावस्तुलाई समेटेर सिरियल बनेको टेलिचलचित्र माया सार्वजनिक भएको हाे ।
सामान्यतया हास्यव्यङ्गय र मनोञ्जनमा आधारित सिरियल बनेकामा सामाजिक यथार्थतालाई बोकेको माया टेलिचलचित्र बनाईएको निर्मात्री प्रज्ञा जोशीले बताइन्।
पारिवारिक र सामाजिक यथार्थताको भाव बोकेको टेलिचलचित्रमा साँचो प्रेम गर्नेहरुका लागी जातभातले रोक्नु हुन्न, विभेद अन्त्य हुनपर्छ भन्ने मुल सन्देश दिन खोजिएको माया टेलिचलत्रिका लेखक तथा निर्देशक सरोज दाहालले बताए ।
टेलिचलचित्रमा प्रज्ञा जोशी, रश्मी भट्ट, आरजे सिंह, सरोज दाहाल, रमेश अधिकारी, राजाराम गौतम, मुना भण्डारी, रबिना बस्ताकोटी, प्रीया वाइबा लगायतका कलाकारको अभिनय रहेको छ ।
प्रज्ञा फिल्मस् अफिसियल युट्युब च्यानलमार्फत सार्वजनिक भएको टेलिचलचित्र मायाको छायांकन तथा सम्पादन जोन चाम्लिङ राई, श्रृगार प्रीया नगरकोटी र पोष्ट प्रोडक्सन सिनेमा हबको रहेको छ ।
प्रकाशित मिति: बिहीबार, असार ३०, २०७९ ०८:५३
