काठमाडाैं - दि स्काइ ओसन इन्टरटेन्मेन्टको ब्यानरमा बन्न लागेको 'गुलाबी 'मा अभिनेता नाजिर हुसैनलाई अनुबन्ध गरिएको छ । भदौ अन्तिममा छायांकनमा जाने लक्ष्यकाबीच निर्माण टिमले गुलाबीमा अभिनेता नाजिर हुसैनलाई अनुबन्ध गरिएको निर्देशक समुन्द्र भट्टले बताएकी हुन् ।
नाजिर फिल्ममा मुख्य अभिनयमा रहनेछन् ।नाजिर बाहेक अन्य कलाकारहरुको टुंगो लाग्न बाँकी रहेको र केहि कलाकार अडिसनबाट छनोट गरिने बताइएको छ । यो बीचमा कलाकार विशाल पहाडीसँग भने सम्झौता भइसकेको बुझिएको छ ।
नेपालमा औंलामा काउन्ट हुने महिला निर्देशकहरुको सुचीमा आउने नाम हो समुन्द्र भट्ट । क्यानडाको टोरन्टो फिल्म स्कुलबाट निर्देशन कक्षा लिएर नेपाल फर्केकी भट्टले केहि वर्ष पहिले 'आधा पेज' नामको फिल्म निर्देशन गरेकी थिइन् । केहि वर्षको अन्तरपछि भट्ट पुनः फिल्म निर्देशनमा फर्किने भएकी छिन् ।
दि स्काइ ओसन इन्टरटेन्मेन्टको ब्यानरमा बन्न लागेको यो फिल्मको स्कृप्टको काम सकिएको र निर्माणको आन्तरिक तयारीमा जुटिरहेको भट्टले बताइन् । प्री प्रोडक्सनमा रहेको यो फिल्ममा हालै अभिनेता नाजिर हुसैनलाई अनुबन्ध गरिएको छ ।
यो फिल्मको लागि नाजिरले कम्तिमा १५ केजी तौल घटाउनुपर्नेछ, निर्देशक भट्टले भनिन, 'पछिल्लो एक महिनादेखि नाजिर यसको लागि प्रयासरत छन् ।' स्कृप्ट अनुसार नाजिरलाई ५० केजी तौलको पात्रमा तयार हुनुपर्नेछ ।
तयारीमा जुटेको छ । फिल्मलाई आलोक शुक्लाले खिच्नेछन् । फिल्मले उठाउने कथावस्तुको बारेमा निर्माण टिमले आधिकारिक रूपमा कुनै पनि तथ्य बाहिर ल्याएको छैन । यद्धपी 'गुलाबी' नामले पारलैङ्गिक कथा उठाउन लागेको झलक दिने जनाइएकाे छ ।
प्रकाशित मिति: बिहीबार, असार ३०, २०७९ २०:०७
