काठमाडौं- नेपालमा गत आर्थिक वर्ष २०७८/०७९ मा तीन खर्ब बढीको पेट्रोल, डिजेल र एलपी ग्यास भारतबाट भित्रिएको छ ।
भन्सार विभागका अनुसार २०७८ साउनदेखि २०७९ असार मसान्तसम्मको अवधिमा उक्त मूल्य बराबरको पेट्रोल, डिजेल र एलपी ग्यास नेपाल भित्रिएको हो ।
उक्त अवधिमा कूल ३ खर्ब ५ अर्ब १७ करोड २५ लाख ३३ हजार रूपैयाँको पेट्रोल, डिजेल र एलपी ग्यास भित्रिएको विभागको तथ्यांकले देखाउँछ ।
विभागका अनुसार गत आर्थिक वर्ष १ खर्ब ६८ अर्ब २३ करोड ३२ लाख ६८ हजार रुपैयाँको डिजेल, ७१ अर्ब ३८ करोड ८२ लाख ८८ हजार रुपैयाँको पेट्रोल र ६५ अर्ब ५५ करोड ९ लाख ७७ हजार रूपैयाँको एलपी ग्यास नेपाल भित्रिएको छ ।
अघिल्लो आर्थिक वर्ष २०७७/०७८ मा १ खर्ब ६० अर्ब ५४ करोड ४४ लाख ६० हजार रूपैयाँको पेट्रोल, डिजेल र एलपी ग्यास नेपाल भित्रिएको विभागले जनाएको छ ।
अघिल्लो आर्थिक वर्षको तुलनामा गत आर्थिक वर्ष १ खर्ब ४४ अर्ब ६२ करोड ८० लाख ७३ हजार रुपैयाँ बढीको पेट्रोल, डिजेल र एलपी ग्यास नेपाल भित्रिएको छ ।
प्रकाशित मिति: सोमबार, साउन ९, २०७९ १२:०४
