काठमाडौं– अभिनेता बिपिन कार्की अभिनित फिल्म ‘सेल्फी किङ’ को ट्रेलर सार्वजनिक गरिएको छ । फिल्ममा अन्य मान्छेहरूलाई हँसाएर मनोरञ्जन गराउने हाँस्य कलाकारको व्यक्तिगत जीबनको संघर्षको कथा प्रस्तुत गरिएको छ ।
फिल्ममा बिपिन कार्कीको साथ साथै लक्ष्मी बर्देवा, अभय बराल, भुवन चन्द, लोकमणि सापकोटा, जिबन भट्टराई, सबिन बास्तोला लगायतका कलाकारको अभिनय देख्न सकिनेछ ।
दिनेश राउत र सुभाष थापाले निर्माण गरेको यस फिल्मलाई बिशाल सापकोटाले निर्देशन गरेका हुन् । बिशाल सापकोटाकै लेखन रहेको फिल्ममा सुशन प्रजापतिको छायाँकन र जीबन थापाको सम्पादन रहेको छ । यो फिल्म आगामी २४ माघमा रिलिज हुने बताइएको छ ।
