काठमाडौं– गायक तथा संगीतकार कृष्ण भण्डारीको नयाँ गीत ‘मलाई हैन तिमीलाई सुखी’को म्युजिक भिडियो सार्वजनिक भएको छ । बुढा सुब्बा डिजिटलमार्फत सार्बजनिक गीतमा पुष्प अञ्जान र पृथ्बी पुत्रको शब्द तथा गायककै भण्डारीकै संगीत रहेको छ ।
उक्त गीतको भिडियोलाई आवेश बज्राचार्यले छायाङ्कन गरेका छन् भने प्रहिल कार्कीले आकर्षक ढंगले निर्देशन गरेका छन् । माया प्रेम तथा धोकाको संयोजनमा तयार पारिएको भिडियोमा मोडल सुजना बर्देवा, रमेश लुइँटेल र सुनिल श्रेष्ठलाई फिचर्ड गरिएको छ ।
अञ्जिता कँडेलको कोरियोग्राफी तथा रहेको भिडियोमा राज पाण्डेको मेकअप रहेको छ । भजन सम्राटको रूपमा चिनिएका गायक भण्डारीले यसअघि दर्जनौँ गीतमा स्वर दिइसकेका छन् ।
