काठमाडौं- दाङको लमही नगरपालिका-६ देउपुरमा आज बिहान ट्याक्टरबाट खसेर एक किशोरको मृत्यु भएको छ ।
मृत्यु हुनेमा स्थानीय १५ वर्षीय सुशान चौधरी रहेका छन् । ट्याक्टरबाट खसेर गम्भीर घाइते भएका उनको उपचारका लागि अस्पताल लैजादै गर्दा बाटोमै मृत्यु भएको प्रहरीले जनाएको छ ।
लु ४ त ८१०६ नम्बरको ट्याक्टरमा सवार उनी आज बिहान ६ बजे ट्याक्टरबाट खसेका हुन् । ट्याक्टर सहित चालकलाई वडा प्रहरी कार्यालय लमहीले नियन्त्रणमा लिएको छ ।
प्रकाशित मिति: बिहीबार, साउन १९, २०७९ ११:१८
