काठमाडौं- विश्वका नाम चलेका स्टार खेलाडीहरुसँगै नेपाली लेगस्पीनर नेपाली राष्ट्रिय क्रिकेट टिमका कप्तान सन्दीप लामिछानेले युएईमा हुने इन्टरनेशनल लिग (आईएल) टी-२० क्रिकेट खेल्ने भएका छन् । इमिरेट्स क्रिकेट बोर्डको आयोजनामा हुने लागेको फ्रेन्चाइल लिगमासन्दीप पनि मार्की खेलाडीको रुपमा अनुबन्ध भएका हुन् ।
सोमबार विज्ञप्ती सार्वजनिक गर्दै इमिरेट्स क्रिकेट बोर्डले आन्द्रे रसेल, मोइन अली, सुनिल नारिन, क्रिस लिन, कोलिन मनरो, वानिन्दु हसरंगा, सन्दीप लामिछाने लगायत अन्तर्राष्ट्रिय खेलाडीले पहिलो संस्करणमा मार्की खेलाडीको रुपमा सम्झौता गरेको जनाएको छ ।
विश्वका विभिन्न लिगमा गत सिजन आईपीएलमा अनुबन्ध नभएका सन्दीप लामिछाने आउने सिजनमा अनुबन्ध हुने क्रम जारी रहेकाे छ । उनी यही अगष्ट अन्तिमदेखि हुने क्यारेबियन प्रिमियर लिगमा जमैका तलहवाजमा अनुबन्ध भएका छन् ।
यस्तै श्रीलंकामा हुने लंका प्रिमियर लिगमा सन्दीप दम्बुला जायन्ट्समा अनुबन्ध भएका थिए । अष्ट्रेलियामा डिसेम्बर १३ देखि सुरु हुने बिग बास लिग (बीबीएल) मा पनि सन्दीप विदेशी खेलाडीको ड्राप्टमा समावेश भएका छन् ।
प्रकाशित मिति: सोमबार, साउन २३, २०७९ १९:१०
